“Orjap”
máhállesindegi aymaǵındaǵı jol qurılısı jumısların úyrendi 

Xalıq deputatları rayonlıq Keńesi 23-sanlı “P.Ibadullaev” saylaw okrugi “Adolat”
social demokratik partiyası deputatı K.Jorabekov “Orjap” MPJ aymaǵında alıp
barılıp atırǵan jol qurılısı hám abadanlastırıw jumısları menen jaqınnan
tanıstı. Máhálle ishki jollarında ámelge asırılıp atırǵan asfaltlaw jumısları,
jol shetlerin tártipke keltiriw hám qurılıs sapasına ayrıqsha itibar qaratıldı.
  

Deputat juwapker shólkemlerdiń wákilleri menen
sáwbetlesip, orınlanıp atırǵan jumıslardıń sapası hám múddetlerine baylanıslı
máselelerdi dodaladı. Sonday-aq, puqaralar ushın qolaylı hám qáwipsiz
infrastruktura jaratıw maqsetinde jol qurılısı processlerin turaqlı qadaǵalap
barıw áhmiyetli ekenligi atap ótildi.

Bunday ámeliy qadaǵalaw ilajları
xalıqtıń turmıs abadanlıǵın arttırıw hám máhállelerdi jáne de abat etiwge
xızmet etpekte. 

Xalıq deputatları Shımbay rayonlıq Keńesi