Xalq deputatlari Parkent tuman Kengashiga 7-Xisarak saylov okrugidan saylangan deputat Mannonov Abduzarif Abduraufovich o‘zi saylangan hududdagi “Chinorbuloq” mahallasida bo‘lib, “Mahalla yettiligi” faoliyati bilan yaqindan tanishdi.O‘rganishlar davomida mahallada faoliyat yuritayotgan ijtimoiy xodimning aholining ijtimoiy ehtiyojmand toifalariga xizmat ko‘rsatish, kam ta’minlangan oilalarga ijtimoiy nafaqalar va moddiy yordam tayinlash hamda to‘lash borasidagi faoliyati tahlil qilindi. Xususan, yolg‘iz keksalar, nogironligi bo‘lgan shaxslar va kam ta’minlangan oilalarni qo‘llab-quvvatlash yuzasidan amalga oshirilayotgan ishlar o‘rganildi.O‘rganish natijalariga ko‘ra, mahalla ijtimoiy xodimi S. Umarov tomonidan hududdagi davlat ta’minotida bo‘lgan 16 nafar fuqaroga “Vaqf” xayriya jamoat fondi tomonidan ajratilgan oziq-ovqat mahsulotlari to‘liq va manzilli yetkazilgani qayd etildi.Shuningdek, operatsiyaga muhtoj bo‘lgan 5 nafar bolaga O‘zbekiston Respublikasi Prezidenti huzuridagi maxsus jamg‘arma mablag‘lari hisobidan bepul tibbiy xizmatlardan foydalanish uchun yo‘llanmalar berilgani ma’lum qilindi.O‘rganish davomida O‘zbekiston Respublikasi Ichki ishlar akademiyasining amaliyot o‘tayotgan kursantlari bilan ham uchrashuv tashkil etilib, ularning amaliy faoliyati, mahallalarda huquqbuzarliklarning oldini olish hamda aholi bilan ishlash bo‘yicha olib borayotgan ishlari yuzasidan fikr almashildi.Yakunda deputat tomonidan ijtimoiy xizmatlar sifatini yanada oshirish, ehtiyojmand fuqarolarni qo‘llab-quvvatlash ishlarini tizimli davom ettirish yuzasidan tegishli tavsiyalar berildi.