Xalq deputatlari Uzun tumani Kengashi deputati Sh.Raxmonov tomonidan tuman Elektr tarmoqlari korxonasi boshligʻi A.Gʻafforovga deputat soʻrovi yuborildi.

“Chaqar” mahallasi hududida “Ochiq budget” loyihasi doirasida keng koʻlamli obodonlashtirish ishlari olib borilib, yangi piyodalar yoʻlaklari hamda suv oʻtkazish latoklari qurilgan.

Biroq, ushbu hududdagi elektr uzatish ustunlari (simyogʻochlar) piyodalar yoʻlagi va latoklar atrofida tartibsiz holatda oʻrnatib ketilgan.

Tartibsiz ustunlar piyodalarning, ayniqsa keksalar, yosh bolalar va imkoniyati cheklangan shaxslarning erkin va xavfsiz harakatlanishini jiddiy cheklamoqda.

Deputat oʻz soʻrovida ushbu masalani qisqa muddatlarda bartaraf etish va aholiga qulaylik yaratish boʻyicha amaliy choralar koʻrilishini soʻradi.