#tavsiyalar_asosida

Xalq deputatlari Kogon shahar Kengashi raisi A. Yangiyev, kotibiyat mudiri Sh. Isamutdinov hamda mutaxassislar I. Ikromov va Z. Temirovalar Mirzo Ulug‘bek tumani namunasi asosida tashkil etilayotgan 24/7 rejimda ishlaydigan ko‘cha infratuzilmasi hamda fuqarolar uchun yaratilgan dam olish joylarini ko‘zdan kechirdi.

Tanishuv davomida mazkur hududda barpo etilgan zamonaviy o‘rindiqlar, yashil hududlar, yoritish tizimlari hamda aholining bo‘sh vaqtini mazmunli o‘tkazishi uchun yaratilgan sharoitlar o‘rganildi. Ushbu dam olish maskanlari fuqarolar uchun qulay va xavfsiz muhit yaratishga xizmat qilishi ta’kidlandi.

Tashrif yakunida mas’ullarga obodonlashtirish ishlarini davom ettirish, dam olish joylarini doimiy tartibda saqlash hamda aholi uchun yanada qulay sharoitlarni kengaytirish yuzasidan tegishli tavsiyalar berildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash