Yig‘ilishda doimiy komissiya raisi, komissiya a’zolari, tuman Kengashi kotibiyati xodimlari hamda mas’ul tashkilotlar vakillari ishtirok etdilar. 

Yig‘ilish kun tartibiga muvofiq, O‘zbekiston Respublikasi Prezidentining 2025-yil 20-oktabrdagi “Aholi va hududlarni favqulodda vaziyatlardan ishonchli himoya qilish sohasini sifat jihatidan yangi bosqichga ko‘tarish to‘g‘risida”gi PF–185-son Farmoni ijrosi yuzasidan tumanda amalga oshirilayotgan ishlar holati muhokama qilindi. 

Masala yuzasidan hisobot tinglanib, Farmonda belgilangan vazifalarning ijrosini ta’minlash, favqulodda vaziyatlarning oldini olish, aholi va hududlar xavfsizligini mustahkamlash, shuningdek, sohada mavjud muammo va kamchiliklarni bartaraf etish bo‘yicha amalga oshirilayotgan chora-tadbirlar yuzasidan fikr-mulohazalar bildirildi. 

Muhokamalar yakunida mazkur masala bo‘yicha tegishli qaror loyihasi ishlab chiqilib, uni Xalq deputatlari Oltinsoy tuman Kengashining navbatdagi sessiyasi kun tartibiga kiritish hamda sessiyada ko‘rib chiqish uchun tavsiya etish to‘g‘risida qaror qabul qilindi. 

Yig‘ilish yakunida Farmon ijrosini samarali tashkil etish, belgilangan vazifalarning o‘z vaqtida va sifatli bajarilishi ustidan deputatlik nazoratini kuchaytirish yuzasidan tegishli tavsiyalar berildi.

✍️Oltinsoy tumani Kengash Kotibiyati Axborot xizmati

🕊Telegram 💬Facebook 🌐E-kengash 📸Instagram ▶️YouTube 🌐 oltinsoy.uz