TUMAN KENGASHI DEPUTATI VA KADASTR AGENTLIGI O‘RTASIDA HAMKORLIK MASALALARI MUHOKAMA
QILINDI

Xalq deputatlari Quva tuman Kengashi deputatlari doimiy komissiyalar kesimida
tashkilot va korxonalarga biriktirilgan bo‘lib, mazkur tizimning asosiy maqsadi
deputatlar va biriktirilgan muassasalar o‘rtasida yaqin hamkorlikni yo‘lga
qo‘yish, zarur ma’lumotlarni deputatlar orqali olish hamda amaliy hamkorlikni
ta’minlashdan iboratdir.

Mazkur maqsadlardan kelib chiqib, xalq deputatlari Quva tuman Kengashi deputati
Y.Axmedaliyev kotibiyat bosh mutaxassisi A.Fozilov bilan birgalikda o‘ziga
biriktirilgan “Kadastr agentligi” tuman bo‘limida bo‘lib, muassasa faoliyati
bilan yaqindan tanishdi hamda hamkorlikni yanada mustahkamlash, o‘zaro axborot
almashinuvini yo‘lga qo‘yish va amaliy muloqotni kuchaytirish yuzasidan jamoa
a’zolari bilan ochiq suhbat o‘tkazdi.

Muloqot davomida yer resurslarini hisobga olish, kadastr tizimini
takomillashtirish, fuqarolar murojaatlari bilan ishlash hamda sohadagi mavjud
muammo va takliflar atroflicha muhokama qilindi. Shuningdek, deputat va
muassasa o‘rtasidagi hamkorlikni amaliy ishlar orqali yanada rivojlantirish,
xizmatlar sifatini oshirish hamda tizim samaradorligini kuchaytirish
masalalariga alohida e’tibor qaratildi.