TOLMOZOR MAHALLASIDA MANZILLI IJTIMOIY YORDAM ISHLARI BILAN TANISHILDI

Xalq deputatlari Quva tuman Kengashi deputati, tuman hokimi X.Umarov tumanda
“Ijtimoiy himoya yagona reestri”ga kiritilgan oilalarga ko‘rsatilayotgan
ijtimoiy xizmatlar holatini o‘rganish maqsadida Tolmozor mahalla fuqarolar
yig‘inida bo‘ldi.

Xususan, mahallada ijtimoiy himoyaga muhtoj oilalarning turmush sharoiti,
ularga ko‘rsatilayotgan moddiy va ijtimoiy ko‘mak turlari hamda amalga
oshirilayotgan manzilli yordam choralari bilan yaqindan tanishdi.

Mazkur jarayon doirasida ayrim oilalarning xonadonlariga tashrif buyurib,
ularning yashash sharoiti va ehtiyojlari o‘rganildi hamda mavjud muammolarni
hal etish yuzasidan tegishli mutasaddi tashkilotlarga aniq vazifalar belgilab
berdi.

Shuningdek, mas’ullarga oilalar muammolarini o‘z vaqtida aniqlash va ularni
samarali hal etish, ijtimoiy himoya tizimi orqali ko‘rsatilayotgan xizmatlar
samaradorligini oshirish bo‘yicha zarur ko‘rsatmalar berdi.