Xalq deputatlari Jalaquduq tuman Kengashi raisi Sh.Xaytaxunov kotibiyat mutaxassislari ishtirokida
navbatdagi ishchi yig‘ilishni o‘tkazdi. Yig‘ilishda tuman Kengashi faoliyati samaradorligini oshirish, belgilangan haftalik ish rejalarning o‘z vaqtida va sifatli bajarilishi masalalari muhokama qilindi. Shuningdek, mutaxassislar tomonidan amalga oshirilayotgan ishlar tahlil qilinib, mavjud kamchiliklar va ularni bartaraf etish yo‘llari yuzasidan tegishli topshiriqlar berildi. Rais tomonidan har bir yo‘nalish bo‘yicha mas’ullarga aniq vazifalar belgilab berildi hamda ijro intizomini kuchaytirish zarurligi ta’kidlandi. Yig‘ilish davomida aholi murojaatlari bilan ishlash samaradorligini oshirish, hujjatlar ijrosini qat’iy nazorat qilish hamda ochiqlik va shaffoflikni ta’minlash masalalariga alohida e’tibor qaratildi.