Xalq deputatlari Termiz shahar Kengashi raisi D.Normuradova, Kengash kotibiyati mudiri A.Ashurov hamda Kengash huzuridagi “Xalqparvar” komissiyasi raisi A.Mustafakulovlar shahardagi “Abdulla Avloniy” mahallasida bo‘ldilar.


Hozirda mazkur mahalla hududidagi ko‘p qavatli uylarning tashqi fasad qismlarini ta’mirlash ishlari jadal sur’atlarda olib borilmoqda. Deputatlar qurilish jarayonlarini bevosita ko‘zdan kechirib, quyidagilarga e’tibor qaratdilar:

✅ Ish sifati: Ishlatilayotgan bo‘yoq va pardozlash materiallarining chidamliligi hamda belgilangan standartlarga muvofiqligi;
✅ Estetik ko‘rinish: Fasad ranglarining o‘zaro uyg‘unligi va zamonaviy dizayn asosida bajarilishi;
✅ Aholi qulayligi: Ta’mirlash jarayonida fuqarolar uchun noqulayliklar tug‘dirmaslik choralarini ko‘rish.

💬 Muloqot davomida deputatlar mutasaddilarga ishlarni o‘z vaqtida va eng muhimi, sifatli yakunlash bo‘yicha zarur tavsiyalar berdilar. Binolarning tashqi ko‘rinishi nafaqat shaharga ko‘rk bag‘ishlashi, balki uzoq yillar davomida aholiga xizmat qilishi lozimligi ta’kidlandi.