#tavsiyalar_asosida

Kogon shahar Kengashi deputati Sh. Isamutdinov, mutaxassislar I. Ikromov va Z. Temirovalar “Mustaqillik” MFYdagi tungi yoritish chiroqlarini joyiga chiqib ko‘rdi.

 Kechki payt mahalla ko‘chalarining yorug‘ bo‘lishi odamlar xavfsizligi, osoyishtalik va hudud ko‘rinishi uchun muhim ekani ta’kidlandi.

O‘rganish davomida ko‘chalarda o‘rnatilgan chiroqlar mahallaga fayz bag‘ishlab, aholi uchun qulay muhit yaratib kelayotgani qayd etildi. Ayniqsa, keksalar, ayollar va bolalarning kechki payt bemalol harakatlanishi uchun tungi yoritish muhim omil bo‘lib xizmat qilayotgani aytildi.

Mahalla aholisi bilan suhbatda ko‘chalar yorug‘ bo‘lsa, hudud yanada obod va xavfsiz ko‘rinishi, odamlarning kayfiyatiga ham ijobiy ta’sir qilishi ta’kidlandi. Shuningdek, mavjud chiroqlarni ehtiyot qilish, hudud ozodaligini saqlash va mahallani yanada chiroyli maskanga aylantirish barchaning vazifasi ekani qayd etildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash