Xalq deputatlari Bekobod shahar Kengashining 7-chaqiriq navbatdagi 30-sessiyasi 2026-yil 23-may kuni bo‘lib o‘tdi. Sessiya
yigilishida Kengashga saylangan 25 nafar deputatdan 25 nafari ishtirok etdi. Sessiyaga Kengash raisi J.Dushabayev raislik qildi. Sessiyada shahar hokim o‘rinbosarlari, tegishli korxona va tashkilot rahbarlari hamda ommaviy axborot vositalari vakillari ishtirok
etdilar. Sessiya kun tartibida muhim masalalar ko‘rib chiqildi, ya’ni Bekobod shahrini murojaatlar bilan ishlash bo‘yicha namunali hududga aylantirish yuzasidan harakatlar rejasi to‘g‘risida, “Olmazor tajribasi” asosida Bekobod shahrida ijtimoiy-iqtisodiy rivojlantirishga qaratilgan kompleks chora-tadbirlar rejasi va O‘zbekiston Respublikasi Oliy Majlisi Senati Kengashining 2026-yil 12-martdagi KQ-325-V-son qaroriga asosan Bekobod shahri byudjetining qo‘shimcha manbalarini aniqlash hamda undan foydalanishni tartibga solishni takomillashtirish to‘g‘risidagi masalalar. Sessiya davomida mas’ul rahbarlarning hisobotlari tinglanib, deputatlar tomonidan fikr-mulohazalar bildirildi. Kun tartibidagi masalalar yuzasidan doimiy komissiyalar xulosalari eshitildi va barcha qarorlar deputatlar tomonidan bir ovozdan tasdiqlandi. Sessiya reglament asosida tartib-intizomga rioya qilingan holda o‘tkazildi.