“Yuksak ma’rifatli avlod — Uchinchi Renesans poydevori!”

Boysun tumani 5-sonli umumta’lim maktabida “Yuksak ma’rifatli avlod — Uchinchi Renesans poydevori!” shiori ostida “So‘ngi qo‘ng‘iroq” tadbiri ko‘tarinki ruhda nishonlandi.

Tadbirga Boysun tuman prokurori Begmatova Umida Urunovna qatnashib maktab bitiruvchilarini tabriklab ularga O‘zbekiston Respublikasi Prezidenti Shavkat Miramonovich Mirziyoev tabrigini o‘qib eshittirdi.

Xalq deputatlari tuman Kengashi deputati Sharipov Normaxmat Saidovich maktab bitiruvchilarini mustaqil hayotidagi ilk qadamlari bilan tabriklab ularga omadlar tilab, Yangi O‘zbekistonning rivojlanishi hamda yoshlar uchun mo‘htaram Prezidentimiz tomonidan imzolangan qaror va farmonlar haqida gapirib berdi.

Tadbir so'ngida yil davomida fan, sport va turli tanlovlarda yuqori natijalarga erishgan iqtidorli o‘quvchilar hamda fidoyi o‘qituvchilar munosib e’tirof etildi. Maktab sahnasida o‘quvchilar tomonidan tayyorlangan badiiy chiqishlar, kuy-qo‘shiqlar va raqslar ijro etildi.