Bozataw rayonın sociallıq ekonomikalıq rawajlandırıw boyınsha belgilengen ilajlardı mánzilli úyreniw. 

Ózbekstan Respublikası Prezidentiiniń “Jol infrastruktura tarawın bunnan bılay da jetilistiriw ilajları haqqında”ǵı 2023-jıl 10-oktyabr kúngi PQ-330-sanlı qararınıń Bozataw rayonındaǵı orınlanıw jaǵdayın úyreniw
maqsetinde Xalıq deputatları Bozataw rayonlıq Keńesi deputatı, Q.Jamalov tárepinen orınǵa shıǵıp úyreniw jumısları alıp barıldı. 

Úyreniw dawamında rayon aymaǵındaǵı Bozataw-Kegeyli jolındaǵı 10-18 km aralıǵındaǵı avtomobil jolların qurıw, rekonstrukciyalaw hám ońlaw jumısların úyrenip shıǵıp. Olardı ońlaw hám saqlaw jumısları, puqaralar ushın jaratılǵan qolaylıqlar, jol boyı infrastrukturası hám texnikalıq qáwipsizlik talaplarınıń orınlanıwına ayrıqsha itibar qaratıldı. 

Deputat tárepinen tarawdı bunnan bılay da rawajlandırıw, jol infrastrukturasınıń sapasın arttırıw hám xalq ushın qolaylı sharayatlar jaratıw boyınsha belgilengen wazıypalardıń óz waqtında hám sapalı orınlanıwı ústinen
deputatlıq baqlawı alıp barılatuǵını atap ótildi.