Xalq deputatlari Pastdarg‘om tumani Kengashi deputati A.Abdumurotov tomonidan Pastdarg‘om tuman Tez tibbiy yordam tashkiloti faoliyati o‘rganildi.

O‘rganish jarayonida muassasaning moddiy-texnik bazasi, xizmat ko‘rsatish sifati hamda aholiga tezkor tibbiy yordam yetkazish tizimi ko‘zdan kechirildi. Ma’lum qilinishicha, tashkilotda 30 ta brigada faoliyat yuritib, ular 30 ta maxsus avtomobil orqali aholiga xizmat ko‘rsatmoqda.

Shuningdek, muassasada 110 nafar vrach hamda 202 nafar hamshira fidoyilik bilan faoliyat olib borayotgani qayd etildi. Bu esa aholiga tezkor va sifatli tibbiy xizmat ko‘rsatishda muhim ahamiyat kasb etadi.

Deputat tomonidan mavjud sharoitlarni yanada yaxshilash, xizmat sifatini oshirish va xodimlar faoliyatini qo‘llab-quvvatlash yuzasidan tegishli tavsiyalar berildi.

Aholi salomatligini muhofaza qilish hamda tez tibbiy yordam xizmatini rivojlantirish masalalari deputatlar nazoratida bo‘lib qoladi.