Deputat tomonidan maktabni kuz-qish mavsumiga tayyorgarlik holatini o‘rganildi

Xalq deputatlari O'rta Chirchiq tuman Kengashi deputati Ibodov Ilxom tomonidan 54-umumta’lim maktabining kuz-qish mavsumiga tayyorgarlik holati o‘rganildi. O‘rganish davomida maktab binosining isitish tizimi, tom qismi, deraza va eshiklarning holati, sinfxonalar hamda yordamchi xonalar tayyorgarligi ko‘zdan kechirildi. Maktabda xavfsizlik qoidalariga rioya etilishi, yong‘in o‘chirish vositalarining mavjudligi hamda o‘quvchilarga yaratilgan sharoitlar ham sinchkovlik bilan tahlil qilindi.

O'quvchilarning salomatligi va xavfsizligini ta’minlash maqsadida maktabda muntazam ravishda sanitariya-gigiyena talablari bajarilishi, isitish tizimi barqaror ishlashi kerakligi qayd etildi.

Deputat o‘zining chiqishida:

“Yosh avlodga sifatli ta’lim berish uchun avvalo ularning o‘qish sharoitlari qulay bo‘lishi zarur. Maktablarimiz kuz-qish mavsumiga to‘liq tayyor holatga keltirilishi bu boradagi muhim vazifalardan biridir,” — deya ta’kidladi.