Xalq deputatlari Marg‘ilon shahar Kengashi deputati Behzod Obidov Maorif mahalla yettiligi bilan birgalikda Marg‘ilon shahar Axborot-kutubxona markaziga tashrif buyurdi.

Tashrif davomida deputat kutubxonada amalga oshirilayotgan ishlar, kitobxonlarga yaratilgan sharoitlar hamda axborot-resurslar bilan tanishdi. Mutaxassislar tomonidan olib borilayotgan ma’naviy-ma’rifiy loyihalar haqida ham batafsil ma’lumotlar berildi.

Shuningdek, deputat B.Obidov kutubxona fondiga bir qator badiiy va ma’rifiy kitoblarni sovg‘a qildi. U kelgusida ham kutubxona bilan hamkorlikda yoshlar o‘rtasida kitobxonlikni rivojlantirishga qaratilgan loyihalarni qo‘llab-quvvatlashini ta’kidladi.

Bu tashrif yoshlar ma’naviyatini yuksaltirish, kitobxonlikni keng targ‘ib etish hamda mahalla–kutubxona hamkorligini mustahkamlashga xizmat qiladi.