Xalq deputatlari Pastdarg‘om tuman Kengashining navbatdagi sessiyasiga tayyorlanadigan masalalar "Ijtimoiy soha, yoshlar siyosati, madaniyat va sport masalalari" doimiy komissiyasi yig‘ilishida ko‘rib chiqildi.

Yig‘ilishda tuman Mahallalar uyushmasi bo‘limi rahbari B. Qulmamatov o‘z hisobotini taqdim etdi. Hisobotda mahallalardagi ijtimoiy-iqtisodiy jarayonlar, hududlarda amalga oshirilayotgan obodonlashtirish ishlari, fuqarolar murojaatlarining ko‘rib chiqilishi, yoshlar va ijtimoiy himoyaga muhtoj qatlam bilan ishlash holati yuzasidan ma’lumotlar bayon qilindi.

Komissiya a’zolari tomonidan masalalar bo‘yicha savollar berildi, mavjud ehtiyoj va muammolar yuzasidan takliflar bildirildi hamda sessiya kun tartibiga kiritiladigan materiallar bo‘yicha tegishli xulosalar shakllantirildi.

Mazkur muhokama sessiya oldi masalalarining puxta tayyorlanishiga va qabul qilinadigan qarorlarning samaradorligini oshirishga xizmat qiladi.