Tuman hokimligining kichik majlislar zalida Xalq deputatlari Sharof Rashidov tumani Kengashining o‘n oltinchi sessiyasi bo‘lib o‘tdi.

 Sessiyada kun tartibidagi bir qator masalalar deputatlar tomonidan muhokama qilindi. 

“Qahramon”, “Mo‘lkanlik”, “Qulpisar” va “Yoshlik” MFYlarida “Mahalla yettiligi” tomonidan amalga oshirilgan ishlar yuzasidan axborot tinglandi. 

Tumandagi ijtimoiy ehtiyojmand oilalar vakillari, yetim yoki ota-onasining qaramog‘idan mahrum bo‘lgan talaba xotin-qizlarning oliy ta’lim muassasalaridagi to‘lov-kontrakt summalarini qoplab berish masalasi ko‘rib chiqildi. 

Tuman mahalliy budjetidan zarur mablag‘lar ajratish to‘g‘risidagi takliflar muhokama qilinib, belgilangan tartibda qarorlar qabul qilindi. 

Sessiya yakunida deputatlar tomonidan tegishli topshiriqlar berildi hamda masalalarning ijrosini ta’minlash bo‘yicha mutasaddi tashkilot va mas’ullarga vazifalar yuklatildi