Ўзбекистон Халқ демократик партияси Хўжайли туман кенгаши томонидан "Ватан учун, миллат учун, халқ учун!" шиори остида Халқ
депутатлари Хўжайли туман Кенгашидаги партия гуруҳи аъзолари ўртасида "Энг фаол депутат" танловининг туман босқичи ўтказилди. 

Танлов иштирокчилари "Аҳоли муаммосини ҳал қилишнинг энг самарали йўли," "Сиёсий тезкор жавоб бериш" ва "Муаммони ҳал қилиш" номли 3 та шарт бўйича ўз билим ва тажрибаларини намойиш этди. 

Ҳакамлар ҳайъатининг баҳолаш натижасига кўра 11-сонли "Қумбиз" сайлов округидан Халқ депутатлари Хўжайли туман Кенгаши
депутати Наргиза Примбетова биринчи ўринни эгаллаб танловнинг Қорақалпоғистон Республикаси босқичига йўлланмани қўлга киритди. Депутат Оразимбет Абдреймов иккинчи, депутат Бобомурат Қурбонов учинчи ўринни эгаллади. Танлов ғолиблари диплом ва эсдалик совғалари билан тақдирланди.