Ўзбекистон Президенти Шавкат Мирзиёевнинг сунъий интеллект бўйича халқаро форум очилиш маросимида иштирок этиши мамлакатимиз тараққиётида ўзига хос янги саҳифани очди. Бугунги кунда сунъий интеллект технологиялари дунёдаги энг стратегик йўналишлардан бирига айланган бир пайтда, Президентимизнинг глобал ташаббуслари юртимизни рақамли ислоҳотлар марказига айлантириш йўлида муҳим омил бўлиб хизмат қилади. Форумда билдирилган фикр ва таклифлар, сунъий интеллектни давлат бошқаруви ва иқтисодиётнинг барча соҳаларига кенг татбиқ этишга қаратилган чора-тадбирлар мамлакатимиз келажаги учун қимматли дастурнома сифатида қадрланади.

Президентимиз таъкидлаганидек, сунъий интеллект бугунги глобал рақобатнинг асосий тўқнашув нуқтасига айланган. Таълим, тиббиёт, қишлоқ хўжалиги, саноат ва хизмат кўрсатиш соҳаларида AI ечимларини кенг жорий этиш орқали самарадорлик, тезкорлик ва шаффофликни таъминлаш мумкин. Бу эса, албатта, ҳар бир ҳудуд, хусусан, Каттақўрғон тумани учун ҳам катта имкониятлар эшигини очади. Янги технологияларни жорий этиш орқали туманимизда инвестиция, бизнес ва хизматлар сифатини янада ошириш имкони яратилади.

Шу маънода, бу тарихий форумдан келиб чиққан ҳолда таъкидлаш лозимки, тумандаги ташкилотлар, таълим масканлари ва тадбиркорлар сунъий интеллектни ўз фаолиятлари билан уйғунлаштиришлари муҳим. Бу йўналишда тажриба алмашиш, AI асосидаги лойиҳаларни қўллаб-қувватлаш ва ёшларни рақамли билимларга қизиқтириш энг долзарб вазифалардан биридир. Президентимиз белгилаб берган йўл харитаси шу мақсадларга эришишда барчамиз учун мустаҳкам асос бўлади.

Каттақўрғон тумани Кенгаши депутати

Рустам Ғуломов