O`zbekiston Respublikasi Oliy Majlisi Senatining 11-yalpi majlisi yakunlari bo`yicha mamlakatimizning barcha hududlarida keng
qamrovli targ`ibot-tashviqot ishlari izchil davom ettirilmoqda. Mazkur jarayonning asosiy maqsadi — yalpi majlisda ko`rib chiqilgan dolzarb masalalar, qabul qilingan yangi qonunlar hamda normativ-huquqiy hujjatlarning mazmun-mohiyatini aholi ongiga yetkazish, ularning amaliy hayotdagi ahamiyatini batafsil tushuntirishdan iborat. Shu yo`nalishda xalq deputatlari Jalaquduq tumani Kengashi deputati M. Sharipova tomonidan ham qator uchrashuv va targ`ibot tadbirlari tashkil etilmoqda. Xususan, 11-umumta`lim maktabida Toshxovuz mahalla fuqarolar yig`ini aholisi vakillari, o`qituvchilar va mahalla faollari ishtirokida mazmunli muloqot bo`lib o`tdi. Tadbir davomida Senatning 11-yalpi majlisida muhokama qilingan ustuvor masalalar, aholining ijtimoiy-iqtisodiy farovonligini ta`minlashga
qaratilgan yangi tashabbuslar, ta`lim, sog`liqni saqlash va mahalliy boshqaruv sohalariga oid muhim qonunlarning asosiy jihatlari tushuntirib berildi. Shuningdek, aholining dolzarb savollariga javoblar qaytarildi, qabul qilinayotgan huquqiy hujjatlarning hayotga tatbiq etilishida fuqarolarning o`rni va mas`uliyati alohida ta`kidlandi. Uchrashuv ishtirokchilari bunday ochiq muloqotlar aholining qonunchilik jarayonlari haqidagi xabardorligini oshirishga, davlat organlari va fuqarolar o`rtasidagi samarali hamkorlikni mustahkamlashga xizmat
qilayotganini ta`kidladilar. Aholi bilan muntazam muloqotlar, qonunlar mazmunini yoritish va ularni amaliy hayotga joriy etish bo`yicha olib borilayotgan targ`ibot ishlari kelgusida ham izchil davom ettiriladi.