🔰Madaniyat xodimi yuksak axloqiy fazilatlarni targ‘ib etadigan elini, xalqini sevadigan ularga sodiq, fidoyi inson, oliyjanob kasb egasi bo‘lmog‘i zarur. Tuman musiqa va san’at maktabida bo‘lib o‘tgan “Madaniyat xodimi millat yuragi” mavzusidagi seminar yig‘ilishida ana shu fikrlar ochiqlandi.

♻️Xalq deputatlari Chinoz tumani Kengashi deputati, Korrupsiyaga qarshi kurash va xavfsizlik masalalari bo‘yicha komissiyasi raisi S.Axmedova, Respublika ma’naviyat va ma’rifat markazi Chinoz tumani bo‘limi boshlig‘i Nigora Nabiyevalar madaniyat bo‘limi xodimlari bilan yuqoridagi mavzuda fikrlashdilar.

♻️Tadbirda ochiq va achchiq fikrlar o‘rtaga tashlandi. Bugun madaniyat bo‘limi faqatgina bayramlaru tadbirlarni o‘tkazib beradigan tashkilotga aylanib qolgani,e’tibordan chetda qolib ketayotgani, va ichki muammolari xam yetarli ekanligi ta’kidlandi.

🔰Aslida madaniyat xodimi kiyinishi yurish turishi, muomilasi bilan barchaga namuna bo‘ladigan, shaxsni ruxan tarbiyalovchi bo‘lmog‘i kerakligi singdirildi.