O‘zbekiston Respublikasi Oliy Majlisi Senati Kengashining tegishli qarori
asosida bugun Kegeyli tumani "Mahalliy Kengashlar faoliyatini namunali
tashkil etishning asosiy yo‘nalishlari" mavzusida seminar bo‘lib o‘tdi.
Seminarda tuman hokimi A.Kamalov, Qoraqalpog‘iston Respublikasi Jo‘qorg‘i
Kengesi qo‘mita raisi Sh.O‘temisov, Jo‘qorg‘i Kenges deputati T.Romanov, tuman
Kengashi deputatlari, Xalq deputatlari shahar va tuman Kengashlari kotibiyat
mudirlari va mutaxassislar ishtirok etdi. 

Seminar davomida doimiy komissiya raislari tomonidan amalga oshirilgan
ishlar samaradorligi bo‘yicha keng tushuntirildi. 

Seminar ishtirokchilari o‘zaro tajriba almashish maqsadida tuman
kotibiyatida bo‘lib, hujjatlarni to‘g‘ri yuritish, nazorat qilish, faoliyat
mezonlari to‘g‘risidagi tartiblar bilan yaqindan tanishib, o‘zlarini
qiziqtirgan savollariga to‘liq javoblar oldi. Shundan so‘ng, mehmonlarimiz
tumanda joylashgan Yoshlar markazida bo‘lib, yangi tashkil etilgan "media
markaz" faoliyati bilan yaqindan tanishdi.