Xalq deputatlari Surxondaryo viloyat Kengashi deputati G.Kravchenya hamda shahar Kengashi deputatlari A.Mustafakulov, A.Ashurov bilan birgalikda Termiz shahrida "Alpomish" mahallasidagi RK-5 mahalliy qozonxona, qozon va issiqlik tarmoqlari holatini o‘rgandi.
Dastlab, o‘rganish jarayonida RK-5 mahalliy qozonxona isitish tizimlari, issiq suv ta’minoti, quvurlar hamda qozonxona holati joyida ko‘zdan kechirildi. Deputatlar hududdagi turar joylar va ijtimoiy obyektlarga isitish energiyasi yetkazib berish holati ko‘zdan kechirildi, ayrim texnik kamchiliklarni qisqa muddatda bartaraf etish zarurligini ta’kidladi.
So‘ngra, deputatlar tomonidan "Alpomish" mahallasidagi 13-son umumta’lim maktabida RK-5 mahalliy qozonxona tomonidan issiqlik ta'minoti bilan ta'minlanish holatini o‘rganishdi. O‘quvchilar darslarni iliq va xavfsiz muhitda o‘tishlari uchun zarur bo‘lgan barcha sharoitlarni yaratish masalasi alohida e’tiborga olindi.
O‘rganish yakunida deputatlar tomonidan aniqlangan masalalar yuzasidan tegishli tashkilotlarga topshiriqlar berildi. Aniqlangan muammolar va ularni bartaraf etish yuzasidan mutasaddi tashkilotlar rahbarlariga so'rovlar yuborildi.