Bozorlardagi aholi iste’moli uchun zarur mahsulotlar narxi, mavjudligi va sanitariya talablari o‘rganildi

Xalq deputatlari Bulung‘ur tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan tumandagi dehqon bozori faoliyatiga doir navbatdagi o‘rganish ishlari amalga oshirildi. O‘rganishda komissiya rais o‘rinbosari U. Gubayeva, komissiya kotibi B. Lapasov, a’zolar D. Norqulova, I. Sindorov va K. Nararov, shuningdek, O‘zbekiston Respublikasi Sanitariya-epidemiologik osoyishtalik va jamoat salomatligi qo‘mitasi tuman bo‘limi boshlig‘i v.v.b I. Samanov ishtirok etdi.

Tadbir davomida dehqon bozoridagi aholi iste’moli uchun eng zarur bo‘lgan kundalik mahsulotlarning narx-navosi, ularning yetarliligi, sifat darajasi hamda sanitariya-gigiyena qoidalariga rioya qilinishi batafsil o‘rganildi. Sotuv nuqtalarining tozaligi, mahsulotlarning saqlanish sharoiti, iste’molchilarga yaratilgan qulayliklar va narxlarning barqarorligi bo‘yicha amaldagi holat tahlil qilindi.

O‘rganish jarayonida bozor ma’muriyati va sotuvchilarga sanitariya me’yorlariga qat’iy rioya etish, mahsulotlar sifatini nazorat ostida saqlash, iste’molchilar uchun qulay sharoitlar yaratish va narxlarning asossiz oshishiga yo‘l qo‘ymaslik bo‘yicha tegishli topshiriq va ko‘rsatmalar berildi. Shuningdek, belgilangan talablarga amal qilinishi muntazam ravishda nazorat qilib borilishi ta’kidlandi. 

XALQ DEPUTATLARI BULUNG‘UR TUMAN KENGASHI