DEPUTATLIK NAZORATI

Xalq deputatlari Sherobod tumani Kengashining 8-Mehnatobod saylov okrugidan saylangan deputati Irisov Saloxiddin Xolmanovich tomonidan “Mehnatobod” mahalla fuqarolar yig‘inida deputatlik nazorati tadbirlari o‘tkazildi. Jumladan, aholining bandligini ta’minlash, kambag‘allikdan chiqarish, ijtimoiy qo‘llab-quvvatlash va iqtisodiy faolligini oshirish borasida amalga oshirilayotgan chora-tadbirlar joyiga chiqib o‘rganildi.

O‘rganish jarayonida fuqarolarning ehtiyojlari, ularning daromad manbalarini kengaytirish, bandligini ta’minlash hamda iqtisodiy faolligini oshirishga doir takliflari tinglandi. Shuningdek, mahalla hududida mavjud bo‘lgan bo‘sh ish o‘rinlari, kasb-hunarga o‘qitish imkoniyatlari, tadbirkorlik faoliyatini yo‘lga qo‘yish uchun ajratilayotgan subsidiya va imtiyozli kreditlarni ajratish jarayonlari yuzasidan mas’ul tashkilot va xizmatlar rahbarlaridan tegishli ma’lumotlar olindi.

Mazkur o‘rganishlar O‘zbekiston Respublikasi Oliy Majlisi Senati Kengashining “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida” 2024-yil 29-noyabrdagi KQ-6-V-son qarori ijrosini ta’minlash maqsadida amalga oshirildi. Qarorda belgilangan vazifalar ijrosi doirasida aholining ijtimoiy-iqtisodiy holatini yaxshilash, daromad manbalarini ko‘paytirish hamda ijtimoiy himoyaga muhtoj fuqarolarni qo‘llab-quvvatlash mexanizmlarining samaradorligini baholashga alohida e’tibor qaratildi.

O‘rganish yakunida aniqlangan masalalarni hal etish, aholi ehtiyojlariga mos manzilli yordamlarni kengaytirish hamda mahallada iqtisodiy faollikni oshirishga qaratilgan qo‘shimcha chora-tadbirlarni belgilash bo‘yicha mas’ullarga tegishli topshiriqlar berildi.