Xalq deputatlari Muzrabot tumani Kengashiga saylangan deputat O.Ollomurodov “Shaffof” mahallasi hududida joylashgan 33 va 58-maktablarida, deputat M.Kenjayeva “Oriyat” mahallasi hududida joylashgan 39-maktab filialida va 8-DMTTlarida kuz-qish mavsumiga tayyorgarlik ishlari bilan tanishdilar.

O‘rganish jarayonida kuz-qish davrida qozonxonalarning barqaror ishlashini ta’minlash maqsadida soha tashkilotlari tomonidan yaratiligan zarur suyuq va qattiq yoqilg‘i zaxirasiga e’tibor qilindi.

O‘rganishlar davomida ta’lim muassasalarida boshlangan kuz-qish mavsumida maktablardagi sinf xonalarining holati, isitish tizimining ishlatilishi hamda o‘quv va tarbiya jarayonlari uchun yaratilgan shart-sharoitlar ko‘zdan kechirildi.

Deputatlar aniqlangan ayrim kamchiliklarni bartaraf etish bo‘yicha ma’sullarga o‘zlarining ko‘rsatma va tavsiyalarini berdilar.