Vashingtonda o‘tgan “C5+1” sammiti Markaziy Osiyo mamlakatlari va AQSH o‘rtasidagi hamkorlikni yangi bosqichga olib chiqdi. Bu tashabbus nafaqat mintaqaviy darajada, balki har bir hudud, jumladan, bizning tumanimiz iqtisodiy taraqqiyoti uchun ham yangi imkoniyatlar yaratadi. 

 O‘zbekiston bu format orqali investitsiya muhitini yaxshilash, logistika va sanoat infratuzilmasini rivojlantirish, qayta tiklanuvchi energiya manbalarini keng joriy etishga alohida e’tibor qaratmoqda. Bu yo‘nalishlardagi hamkorlik mahalliy ishlab chiqarishni qo‘llab-quvvatlash, yangi ish o‘rinlari yaratish va tadbirkorlikni rivojlantirishga xizmat qiladi.

 Xulosa qilib aytganda, “C5+1” formati O‘zbekistonning ochiq va pragmatik rivojlanish siyosatiga mos bo‘lib, uning samarasi hududlarda, jumladan bizning tumanimizda ham iqtisodiy o‘sish va aholi farovonligi orqali namoyon bo‘ladi. 

Sherzod Ortikov, "Agrobank" ATB Samarqand viloyat boshqarmasi bosh buxgalteri, Toyloq tuman Kengashi deputati