"Taxtakópir" PPJ aymaǵındaǵı 1-sanlı ulıuma orta bilim beriu mektebinde Ózbekstan Respublikasınıń mámleketlik bayraǵı qabıl etilgenliginiń 34 jıllıǵına arnap bayram keshesi bolıp ótti. Ilajda Qaraqalpaqstan Respublikası Joqarǵı Keńesi deputatı, ÓzXDP frakciyası aǵzası A.Alliyarova shıǵıp sóyledi. Atap ótilgenindey, Ózbekstan Respublikasınıń mámleketlik bayraǵı 1991-jıl 18-noyabrde qabıl etildi. Usı jılı bayraǵımız qabıl etilgenine 34 jıl toldı. Bayraq reńleri xám belgileri mámleketimiz ǵárezsizligi, tınıshlıq, páklik, jańalanıu xám tariyxıy qádiryatlarımızdı sáulelendiredi. Mámleket bayraǵı – Ózbekstannıń suvereniteti hám milliy maqtanıshı bolıp esaplanadı.