Aholi bilan ochiq muloqot — amaliy yechimlar sari qadam 

Farg‘ona tumanida aholining dolzarb muammolarini o‘rganish va ularga manzilli
yechim topish maqsadida ochiq muloqot o‘tkazildi. Xalq deputatlari Farg‘ona tuman Kengashi deputati Dilshod
Karimov hamda O‘zLiDeP tuman Kengashi apparat rahbari Saida Otadjonovalar “Yangi
asr” va “Mindonobod” mahallalari faollari bilan uchrashib, hududdagi ishlar bilan
yaqindan tanishdilar. 

Uchrashuv davomida mahallalarda amalga oshirilayotgan obodonlashtirish va
ijtimoiy infratuzilmani yaxshilash, yoshlar va xotin-qizlar bandligini ta’minlash
borasidagi ishlar tahlil qilindi. Mavjud muammolar atroflicha muhokama qilinib,
ularni hal etish bo‘yicha aniq amaliy chora-tadbirlar belgilab olindi. 

Muloqot chog‘ida aholi tashabbuslari, faol fuqarolarning taklif va fikrlari
inobatga olindi. Deputat va partiya vakillari tomonidan aholining turmush darajasini
yaxshilash, joylarda ijtimoiy faollikni kuchaytirish va jamoatchilik nazoratini
yanada mustahkamlash bo‘yicha takliflar ilgari surildi. Bunday ochiq muloqotlar xalq vakillarining xalq manfaatlariga
xizmat qilishga qaratilgan amaliy ishlarining yorqin ifodasidir.