Uzun tumani 2-sonli politexnikumda xalq deputatlari Uzun tuman Kengshi deputatlari Azamjon Kamolov hamda Dilorom Safarova tomonidan tuman Kengashi kotibiyati jamoasi bilan hamkorlikda o'quv binosining 2025-2026 yillar kuz-qish mavsumiga tayyorgarlik holati yuzasidan nazorat tadbirlari bo’lib o’tdi.

Jarayonda ta'lim maskanidagi issiqlik tizimining texnik holati, tom qismi va kirish yо‘lagi, quvurlar va uskunalarning ta’miri, elektr taqsimlovchi shitlarning holati, shuningdek, tizimlarni bosim ostida yuvish orqali tozalash ishlari qay tarzda amalga oshirilayotgani yuzasidan monitoring ishlari olib borildi. 

Tashrif davomida deputat ta'lim muassasasidagi issiqlik tizimining texnik holati, energiya tejamkor uskunalarning mavjudligi, binolarning izolyasiya holati va o‘quvchilar uchun qulay sharoit yaratish bo‘yicha amalga oshirilayotgan ishlar bilan tanishdi. 

Shuningdek, mutasaddi tashkilotlar va ta’lim muassasasi rahbariyati bilan ham uchrashuv o‘tkazilib, kuz-qish mavsumida barqaror ishlashni ta’minlash uchun zarur chora-tadbirlarni ko‘rish masalalari muhokama qilindi. 

Aniqlangan ayrim kamchilik va muammolar bo‘yicha mas’ullarga tegishli ko‘rsatmalar berildi, bajarilishi nazoratga olindi.