Kuz-qish mavsumiga tayyorgarlik ishlari deputatlar e’tiborida 

Kuz-qish mavsumiga puxta tayyorgarlik
ko‘rish masalasi xalq deputatlari Quva tuman Kengashi deputatlari doimiy e’tiborida
turibdi. 

Shu maqsadda, Kengash raisi topshirig‘i
asosida deputatlar O‘zbekiston Respublikasi Prezidentining 2023 yil 10 apreldagi
PQ-118-son “Ijtimoiy soha ob’ektlarining isitish tizimlarini davlat-xususiy sherikchilik
asosida modernizatsiya qilish to‘g‘risida”gi Qarori ijrosi doirasida joylarda amaliy
o‘rganish ishlarini olib bormoqda. 

O‘rganish jarayonida deputatlar
o‘z hududlaridagi umumiy o‘rta ta’lim maktablari va maktabgacha ta’lim muassasalarida
bo‘lib, bino va inshootlardagi issiqlik tizimlarining sozligi hamda zahira holiga
alohida e’tibor qaratmoqda. 

Deputatlar har bir muassasadagi
mavjud holatni atroflicha tahlil qilib, aniqlangan kamchiliklarni bartaraf etish
yuzasidan mutasaddilarga tegishli tavsiyalar bermoqda. 

Shu bilan birga, joylarda samarali
ishlarni yo‘lga qo‘yish, resurslardan oqilona foydalanish va aholiga sifatli xizmat
ko‘rsatilishini ta’minlash masalalari ham deputatlar doimiy nazoratida qolmoqda.