Xalq deputatlari tuman Kengashi deputati Baqo Vafoyev saylov okrugidagi tuman maktabgacha va maktab taʼlimi boʻlimiga qarashli 8-son maktabgacha taʼlim tashkilotida boʻlib, tashkilotning issiqlik manbai, qozonxona tarmoqlari, shuningdek, elektr energiyasi, koʻmir zahiralari, tabiiy gaz va ichimlik suvini yetkazib berish holatlarining kuz-qish mavsumiga shayligi oʻrganildi. Oʻrganishlarda isitish vositalarida mavjud muammolar aniqlanib, muammolar tegishlicha tuman maktabgacha va maktab taʼlimi boʻlimiga deputatlik soʻrovi orqali bildirildi. Mavjud muammolar deputatlik nazoratiga olindi.