O‘zbekiston “Adolat” sotsial-demokratik partiyasi va Xalq deputatlari Ishtixon tumani Kengashidagi “Adolat” SDP deputatlik guruhi tashabbusi bilan qishloq xo‘jaligini jadal rivojlantirish, uni ilmiy asosda tashkil etish, aholiga sifatli va arzon oziq-ovqat mahsulotlarini yetkazib berish, shuningdek oziq-ovqat xavfsizligini ta’minlash masalalari yuzasidan Ishtixon tumani Hayvonlar kasalliklari tashxisi va oziq-ovqat xavfsizligi davlat markazining hisobotini Kengashning tegishli doimiy komissiyasi tingladi.

Uchrashuv davomida tumanda go‘sht va boshqa oziq-ovqat mahsulotlarining sifati va xavfsizligini nazorat qilish, epizootik barqarorlikni ta’minlash, aholiga sog‘lom va toza mahsulot yetkazish bo‘yicha amalga oshirilayotgan ishlar, mavjud muammolar va ularni hal etish choralari atroflicha muhokama qilindi.

🔹 Deputatlar oziq-ovqat xavfsizligi tizimini takomillashtirishda zamonaviy laboratoriya uskunalaridan samarali foydalanish, fermer xo‘jaliklari bilan hamkorlikni kuchaytirish, hamda bozorlar orqali aholiga arzon va sifatli mahsulot yetkazish mexanizmlarini takomillashtirish zarurligini ta’kidladilar.

📌 Muhokama yakunida aholining oziq-ovqat xavfsizligi, sifatli mahsulotlar ta’minoti hamda veterinariya va sanitariya nazorati samaradorligini oshirish bo‘yicha amaliy tavsiyalar ishlab chiqildi.