Xalq deputatlari Sharof Rashidov tuman Kengashining Mahalliy budjet, tadbirkorlikni rivojlantirish va iqtisodiy islohotlar hamda Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda tuman prokuraturasi hamda tuman IIB rahbarlarining Sharof Rashidov tumanini “Korrupsiyadan xoli hudud”ga aylantirish bo‘yicha chora-tadbirlar rejasining ijrosi yuzasidan amalga oshirilgan ishlari atroflicha ko‘rib chiqildi. Unda tuman miqyosida korrupsiyaning oldini olish, ochiqlik va shaffoflikni ta’minlash, hamda “Korrupsiyasiz hudud” loyihasi doirasida amalga oshirilayotgan ishlar yuzasidan tahliliy ma’lumotlar tinglandi. Shuningdek, tuman ichki ishlar bo‘limi boshlig‘ining “Huquqbuzarliklarning oldini olish va ularning profilaktikasi holati” haqidagi hisoboti muhokama qilindi.

Yig‘ilish davomida mahalliy budjet mablag‘laridan foydalanish masalasi, ularning maqsadli sarflanishi hamda hududda ijtimoiy-iqtisodiy islohotlarni jadallashtirish bo‘yicha bir qator muhim masalalar ham ko‘rib chiqildi. Komissiya a’zolari tomonidan bildirilgan taklif va tavsiyalar kelgusida tuman Kengashining navbatdagi sessiyasi kun tartibiga kiritilishi belgilandi.