Xalq deputatlari Payariq tumani Kengashi deputati M. Nurmanova Ernazarqo‘rg‘on mahallasida joylashgan 71-umumta'lim maktabi binosida saylovchilar bilan uchrashuv tashkil etdi.

Uchrashuv davomida deputat o‘z saylov okrugida amalga oshirilgan ishlar, aholi murojaatlari asosida bajarilgan chora-tadbirlar hamda mahalla hayotidagi ijobiy o‘zgarishlar haqida batafsil axborot berdi.

M. Nurmanova o‘z chiqishida tumanda “Kambag‘allikdan farovonlik sari” davlat dasturi doirasida olib borilayotgan ishlar, aholiga ko‘rsatilayotgan ijtimoiy yordamlar, bandlikni ta’minlash va mahalla infratuzilmasini yaxshilash borasidagi faoliyatga ham to‘xtalib o‘tdi.

Saylovchilar tomonidan bildirilgan taklif va muammolar tinglanib, ularni hal etish yuzasidan tegishli tashkilotlar bilan hamkorlikda amaliy chora ko‘rish rejalashtirildi.