Jamiyatda har bir inson e’tibor va g‘amxo‘rlikka muhtoj. Ayniqsa, imkoniyati cheklangan fuqarolar va oilalar -
ular hayotda boshqalarga nisbatan ko‘proq kurashadi, ko‘proq sabr qiladi, ammo ko‘proq e’tiborga ham muhtoj bo‘ladi. Shu maqsadda, biz imkoniyati cheklangan insonlar va ehtiyojmand oilalar holidan xabar olish, ularning yuzida tabassum uyg‘otish, og‘irini yengil qilish, va qo‘lidan ushlash niyatida tashriflar,
suhbatlar va amaliy yordamlar bilan ularning xonadonlariga kirdik. "Kambag‘illikdan-farovonlik sari" dasturi doirasida Xalq deputatlari Jalaquduq tuman Kengashi deputati B.Bazarova xamda I.Jo‘rayevlar xamkorligida
o‘rganishlar amalga oshirildi. Jalaquduq tuman xududidagi Oxunboboyev MFY va Xamza MFYlarga biriktirilgan xonadonlarda o‘rganishlar olib borilib, istiqomat qiluvchi oilalar xonadoniga tashrif uyushtirildi. Xonadon soxiblari bilan suxbatlashib, kambag‘allikdan chiqish bo‘yicha taklif va maslahatlar berildi.Biz ishonamizki, insonlar o‘rtasida mehr tarqalsa, jamiyatda kamsitish ham, yetishmovchilik ham kamayadi. Shu bois, bu tashriflar, suhbatlar va g‘amxo‘rlik ishlari davomiy bo‘ladi. 

.