O‘zbekiston Respublikasi mustaqilligining 34-yilligi munosabati bilan Toyloq tumanida “Vatan uchun, Millat uchun, Xalq uchun” ezgu g‘oyasi ostida yuksak ma’naviy-ma’rifiy ruhda tadbir tashkil etildi.

Tadbirda mehmon sifatida O‘zbekiston Respublikasi Oliy Majlisi Senati Fan, ta’lim va sog‘liqni saqlash masalalari qo‘mitasi raisi B.I.Abdullayev, Xalq deputatlari Samarqand viloyat Kengashi raisi Sh.Negmatov hamda viloyat Kengashi Kotibiyati mudiri S.Usmonov ishtirok etdilar hamda nuroniylar bilan samimiy suhbatlar olib bordilar.

Uchrashuv davomida senator B.Abdullayev so'zga chiqib, mustaqillik yillarida mamlakatimizda amalga oshirilgan keng ko‘lamli islohotlar, xalq farovonligini oshirish, ayniqsa, keksalarga ko‘rsatilayotgan e’tibor va g‘amxo‘rlik borasidagi yutuqlar haqida o‘z fikr-mulohazalarini bildirdilar. 

Bunday samimiy muloqotlar keksa avlod vakillariga hurmat va e’tiborning ifodasi sifatida, avlodlar o‘rtasidagi bog‘liqlikni mustahkamlashda muhim o‘rin tutadi. Tadbir ishtirokchilari mamlakatimiz taraqqiyoti yo‘lida bardavom mehnat qilishga tayyor ekanliklarini bildirdilar.