Jomboy tumani 17-Ko'kgumbaz saylov okrugidan Xalq deputatlari Samarqand viloyat kengashiga saylangan deputat Nodira Baratova mahalladagi saylovchilar bilan uchrashuv o‘tkazdi. 

Tadbirda deputat o‘z saylov okrugi doirasida amalga oshirilgan ishlar, aholi murojaatlari asosida tegishli tashkilotlarga yuborilgan deputatlik so‘rovlari va ularning ijrosi haqida axborot berdi.

Shuningdek, hududda ijtimoiy-iqtisodiy dasturlar ijrosining borishi, amalga oshirilayotgan bunyodkorlik ishlari, yangi loyihalar haqida axborot taqdim etildi.

Uchrashuv davomida fuqarolar tomonidan uy-joy, ichimlik suvi ta’minoti, yo‘l infratuzilmasi, bandlik, ijtimoiy yordam kabi dolzarb masalalar ko‘tarildi. Mazkur muammolar yuzasidan deputat o‘z takliflarini bildirib, mavjud muammolarni bartaraf etish bo‘yicha mutasaddi tashkilotlar bilan hamkorlikda harakat qilishini ta’kidladi.