Xalq deputatlari Samarqand viloyat Kengashi deputatlari Quvondiq Yarashev va Hilola Boboyeva o‘zlari saylangan 55-Mirzaqishloq saylov okrugi hamda 57 -Beshyogoch saylov okrugidagi mahallalarda aholi uchun uchrashuvlar o'tkazishdi. 

Unda olti oylik faoliyatlari bo'yicha o'z saylovchilariga axborot berishdi.

Uchrashuvlar davomida fuqarolar tomonidan qator masalalar o‘rtaga tashlanib, ularning yechimi bo‘yicha deputatlardan amaliy yordam ko‘rsatishlari so‘raldi. 

Murojaatlarning asosini yo'l harakati xavfsizligini ta’minlash, ko‘chalar yoqasida piyodalar yo‘lakchasi barpo etish, mahallalardagi yaroqsiz simyog‘ochlarni beton simyog‘ochlarga almashtirish, hududdagi ijtimoiy soha obyektlarini ta’mirlash va zamonaviy ko‘rinishga keltirish bilan bog‘liq masalalar tashkil etdi.