Xususan, bugun Xalq deputatlari Boyovut tumani Kengashi 11-Muqumiy saylov okrugi deputati Olimjon Jumanazarov Boyovut tumanida yangi o‘quv yilining boshlanishi oldidan 11 va 12-maktablarning tayyorgarlik holati deputat tashrifi doirasida batafsil o‘rganildi. 

Deputat maktablarning moddiy-texnik bazasi, o‘quv-uslubiy jihozlari, o‘quvchilar uchun yaratilgan shart-sharoitlar hamda yangi yilga tayyorgarlik jarayonidagi muammolar bilan yaqindan tanishdi.

Tashrif davomida maktab rahbarlari, o‘qituvchilar bilan uchrashib, ularning taklif va murojaatlari tinglandi. Deputat maktablarda zarur ta’mirlash ishlari, darsliklar bilan ta’minlash, zamonaviy o‘quv-uslubiy vositalar va o‘quvchilar uchun xavfsiz muhit yaratish borasida ko‘rilayotgan choralar bilan tanishdi.