Hurmatli deputatlar va aziz yurtdoshlar!

Yurtimizda ezgu an’anaga aylangan umumxalq hashari har yili jamoatchilikni birlashtiradigan, poklik va bunyodkorlikka chorlaydigan muhim tadbirdir.

Shu munosabat bilan, joriy yilning 2025-yil 22–23-avgust kunlari Mirobod tumanida umumxalq hashari o‘tkazilishi rejalashtirilgan. Ushbu xayrli ishda deputatlar, mahalla faollari va barcha fuqarolarimizning faol ishtiroki muhim ahamiyatga ega.

Hasharning asosiy maqsadi — tumandagi hududlarni obodonlashtirish, ko‘cha va xiyobonlarni tozalash, maktablar hamda ijtimoiy obyektlarni yangi o‘quv yiliga tayyorlash, daraxt va gul ko‘chatlarini parvarishlash kabi ishlarni uyushqoqlik bilan amalga oshirishdir.

Shu munosabat bilan, siz aziz deputatlarni hamda fidoyi tuman aholisini ushbu xayrli tashabbusda faol ishtirok etishga chorlayman!

Keling, birgalikda go‘zal va obod Mirobod tumanini yaratishda o‘z hissamizni qo‘shaylik!

Hurmat bilan,

Karimov Avaz Azizdjanovich Xalq deputatlari Mirobod tuman Kengashi deputati