Yangi 2025–2026 o‘quv yili oldidan Xalq deputatlari Payariq tumani Kengashi deputati A.Maxammatov tuman hududida joylashgan 3-sonli umumta’lim maktabida amalga oshirilayotgan tayyorgarlik ishlarini ko‘zdan kechirdi.

Tashrif davomida maktabda olib borilayotgan ta’mirlash, jihozlash va umumiy holatni yaxshilash ishlari yuqori saviyada tashkil etilgani qayd etildi. Ayniqsa, birinchi sinf o‘quvchilari uchun Prezident sovg‘alari tayyorlab qo‘yilgani, sinf xonalari, yo‘l harakati qoidalari burchagi, tikuvchilik xonalari namunali holatda tayyorlangani e’tiborga molikdir.

Maktab jamoasi yangi o‘quv yiliga puxta hozirlik ko‘rgan bo‘lib, ta’lim sifati va bolalarning qulay sharoitda tahsil olishini ta’minlashga intilmoqda.