Tashrifning asosiy maqsadi — viloyatlararo hamkorlikni mustahkamlash, mahalliy Kengashlar faoliyatini takomillashtirish, doimiy komissiyalar ish samaradorligini oshirish, hamda deputatlar o‘rtasida tajriba almashuvini yo‘lga qo‘yishdan iborat bo‘ldi.

 Delegatsiya dastlab Andijon shahar hokimligida bo‘lib, xalq deputatlari Andijon shahar Kengashi kotibiyati faoliyati, ish yuritish tartibi, mahalliy vakillik organlari va ijro hokimiyati o‘rtasidagi hamkorlik mexanizmlari bilan tanishdi. Shuningdek, deputatlar Andijon shahridagi bir qator mahallalar, ta’lim, sog‘liqni saqlash, tadbirkorlik va ijtimoiy soha obyektlari faoliyati bilan ham yaqindan tanishdilar. Uchrashuvlar davomida ikki hudud deputatlari o‘zaro fikr almashib, xalq vakillari sifatida joylardagi ijtimoiy-iqtisodiy muammolarni hal qilishdagi yondashuvlar, nazorat-tahlil faoliyatini kuchaytirish bo‘yicha ilg‘or tajribalarni muhokama qilishdi.