Yurtimizda bolalarning sog‘lom va har tomonlama barkamol bo‘lib voyaga yetishi, ular uchun munosib ta’lim-tarbiya, parvarish va xavfsiz muhit yaratish masalasi davlat siyosatining ustuvor yo‘nalishlaridan biri sifatida qaraladi.

Qon bu hayot. Donorlar bor ekan qanchadan-qancha bemor yurtdoshlarimiz dardlariga shifo topib hayotga qaytmoqdalar.O‘zbekiston «Adolat» SDP tashabbusi bilan har yili 

1 iyun – . Xalqaro bolalarni himoya qilish kuni munosabati bilan respublikamiz bo‘ylab donorlik tadbirlari bo‘lib o‘tmoqda. Jumladan, Milliy gvardiya . Sirdaryo viloyati bo‘yicha boshqarmasi harbiy xizmatchilari ham mazkur tadbirda ishtirok etdi.

Qon topshirish orqali bir bemorni hayotga qaytarishga, unga hayotning betakror onlarini ko‘rishga ko‘maklashgan bo‘lamiz. Partiya tomonidan an’anaviy ravishda o‘tkazib kelinayotgan donorlik aksiya­sida shunday fikrli insonlar ko‘pligiga har gal amin bo‘lamiz. O‘tkazilayotgan mazkur xayrli ishda xalqimizning yana bir bor jipslashuvi, bemor bolajonlar uchun ko‘makka intilishini ko‘rib quvonamiz.

Aksiyadan ko‘zlangan maqsad respublikamizning barcha hududlarida tibbiy-ijtimoiy ko‘makka muhtoj bolalarni qo‘llab-quvvatlash, fuqarolarni ko‘ngilli ravishda qon topshirishga chaqirish orqali bemor bolalarning hayotini saqlab qolish, jamiyatda insonparvarlik va mehr-oqibat g‘oyalarini targ‘ib qilishdan iborat.