🇺🇿O‘zbekiston Respublikasi Prezidentining 2024-yil 23-sentabedagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi PQ-330-sonli qarorida belgilangan vazifalar ijrosini ta’minlash maqsadida O‘zbekiston Kasaba uyushmalari Federatsiyasi Toshkent viloyati Kengashi raisi, Xalq deputatlari Toshkent viloyati Kengashi deputati S.Fayziyeva Bo‘stonliq tumani “Iskandar” mahallasida istiqomat qilayotgan, ijtimoiy ko‘makka muhtoj oilalar holidan xabar oldi.

🔺Tashrif davomida ushbu oilalarni kambag‘allikdan chiqarish bo‘yicha individual dasturda belgilangan chora-tadbirlarning amalga oshirilishi tahlil qilindi. Aniqlangan muammo va kamchiliklarni joyida bartaraf etish, aholi tomonidan bildirilgan murojaatlarni ijobiy hal qilish yuzasidan amaliy yordam koʻrsatildi.

🔺1-iyun – Xalqaro bolalarni himoya qilish kuni munosabati bilan ushbu oilalarning farzandlariga sovg‘alar topshirildi.

🔺Shuningdek, S.Fayziyeva mahalla hududida amalga oshirilayotgan obodonlashtirish ishlarini ko‘zdan kechirdi.