Payshanba — Yoshlar kuni munosabati bilan Buloqboshi tumani hokimi 25-M.Ismoiliy saylov okrugi deputati Furqatbek Bo‘taxonov tumandagi yoshlar bilan yuzma-yuz uchrashib, ularni qiynayotgan masalalarni tingladi.

Muloqot davomida yoshlarning kredit olish, oliy ta’lim muassasalaridagi kontrakt to‘lovlarini amalga oshirish hamda turli kasb-hunar va o‘quv kurslari uchun to‘lovlarni qoplash bilan bog‘liq murojaatlari bildirildi.

Har bir murojaat ortida muayyan maqsad va intilish bor. Shu bois yoshlar ko‘targan masalalarni atroflicha o‘rganish, ularning qonuniy yechimini topish va zarur ko‘mak ko‘rsatish yuzasidan tegishli mas’ullarga vazifalar belgilandi.

Zero, yoshlar uchun yaratilgan imkoniyat — kelajak uchun qo‘yilgan mustahkam poydevordir.

| Web.sayt | Telegram | Facebook | Youtube| Instagram |