#Ish_reja_ijrosi
#Oylik_Ish_reja_ijrosi
19¹-modda
📌 DEPUTATLIK SO‘ROVI YUBORILDI

Xalq deputatlari Sherobod tumani Kengashining 13-Qo‘shtegirmon saylov okrugi deputati N. Saidova tomonidan Qo‘rg‘on mahallasi Oxunboboyev ko‘chasidagi mavjud muammo joyiga chiqib o‘rganildi.

🔎 O‘rganish davomida Sherobod tumani ko‘p tarmoqli markaziy poliklinikasiga olib boruvchi ko‘chada ichimlik suvi quvuridagi nosozlik sababli ta’mirlash ishlari olib borilayotgani hamda yo‘lga sun’iy to‘siq o‘rnatilgani aniqlandi.

⚠️ Mazkur holat transport vositalari harakatlanishiga to‘sqinlik qilib, poliklinikaga qatnovchi fuqarolar, bemorlar va boshqa yo‘l harakati ishtirokchilari uchun noqulayliklar keltirib chiqarmoqda.

📄 Ushbu muammoni bartaraf etish maqsadida ichimlik suvi quvuridagi nosozlikni tezkorlik bilan ta’mirlash, transport vositalarining xavfsiz va erkin harakatlanishini tiklash hamda sun’iy to‘siqni olib tashlab, ko‘chani ochish yuzasidan zarur choralar ko‘rish uchun “Surxondaryosuvta’minoti” MChJ Sherobod tuman bo‘limiga deputatlik so‘rovi yuborildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube