#162_ta_eng_muhim_qonun

YUSUF SAKKOKIY MAHALLASIDA FUQAROLAR QABULI O‘TKAZILDI

🇺🇿 O‘zbekiston Respublikasining 2017-yil 11-sentabrdagi O‘RQ-445-sonli “Jismoniy va yuridik shaxslarning murojaatlari to‘g‘risida”gi Qonuni ijrosini ta’minlash maqsadida Xalq deputatlari Uchtepa tumani Kengashining "13-Uchtepa" saylov okrugi deputati Jamshid Karimov tomonidan Yusuf Sakkokiy mahallasida fuqarolar qabuli o‘tkazildi.

📝 Qabul davomida fuqarolar tomonidan mahalladagi oqova suv tizimini yaxshilash, hududni obodonlashtirish, asfalt qoplamasi yotqizish, ijtimoiy yordam ko‘rsatish hamda imtiyozli asosda yoki bepul beriladigan dori vositalari bilan ta’minlash masalalari yuzasidan 10 dan ortiq murojaatlar bildirildi.

💹 Deputat tomonidan har bir murojaat alohida tartibda ko‘rib chiqilib, tegishli masalalar deputatlik murojaati sifatida rasmiylashtirildi. Shuningdek, fuqarolar tomonidan ko‘tarilgan muammolarni o‘rganish, ularni hal etish yuzasidan mas’ul tashkilotlarga murojaat qilish hamda ijrosini nazoratga olish bo‘yicha tegishli vazifalar belgilandi.

🗣 Fuqarolar bilan muloqot davomida aholini qiynayotgan muammolarni o‘z vaqtida aniqlash, ularning qonuniy manfaatlarini himoya qilish va murojaatlarning ijobiy yechimini ta’minlash muhimligi ta’kidlandi.

🧠 Bunday qabullar aholi bilan ochiq muloqotni mustahkamlash, fuqarolar murojaatlariga amaliy yechim topish hamda joylardagi mavjud muammolarni bartaraf etishga xizmat qiladi.