Xalq deputatlari Sardoba tumani Kengashi raisi R.Tashpulatov hamda tuman Ichki ishlar bo‘limi boshlig‘i tomonidan Birlashgan mahallasida fuqarolar bilan uchrashuv tashkil etildi.
Uchrashuv davomida fuqarolarning murojaatlarini tinglash, ularni qiynab kelayotgan muammolarni o‘rganish hamda mavjud masalalarga qonuniy yechim topish masalalariga alohida e’tibor qaratildi.
Shuningdek, mahallada jinoyatchilikning oldini olish, huquqbuzarliklarni barvaqt aniqlash, fuqarolar osoyishtaligini ta’minlash hamda aholi o‘rtasida huquqiy madaniyatni oshirish yuzasidan fikr almashildi.
Ayniqsa, mahallada tinchlik va xavfsizlikni mustahkamlash, yoshlar o‘rtasida huquqbuzarliklarning oldini olish hamda har bir fuqaroning muammosiga befarq bo‘lmaslik muhim vazifa ekanligi ta’kidlandi.
Bunday uchrashuvlar aholi va mas’ul rahbarlar o‘rtasidagi ochiq muloqotni mustahkamlash, fuqarolar murojaatlariga o‘z vaqtida munosabat bildirish hamda mahallada sog‘lom va xavfsiz muhitni shakllantirishga xizmat qiladi.
Asosiy maqsad — fuqarolar manfaatlarini ta’minlash, mahallada osoyishtalikni mustahkamlash va jinoyatchilikning oldini olish orqali xalq roziligiga erishishdir.